ئەتەکێتی پەیوەندیە مرۆییەکان

لێرە دا کۆمەڵێک ئەتەکێت باس دەکەین کە ڕەچاوکردنیان دەبێتە مایەی سەرکەوتنی پەیوەندی یە مرۆیی یەکان.

1- خەندە: با هەمیشە رووخۆش بیت و زەردەخەنە لەسەر لێوت بێت، چونکە خەندە کلیکی کردنەوەی دەرگای دڵەکانە بێ ئەوەی هیچ مەسرەفێکی تێ بچێت، ئەنجامی زۆر باش دەبێت و زۆر کارت بۆ ئاسان دەکات.

2- شارەزایی لە هونەری گوێگرتن داو قسە نەبڕین بەو کەسەی قسەت بۆ دەکات، چونکە کاتێک قسەی پێ دەبڕیت ناتوانێت کۆنترۆڵی قسەکانی بکات و لە ئەنجامدا رێزت ناگرێت!

3- هەڵبژاردنی جوانترین وشە و دەستەواژە، وەک چۆن هەنگ شیلەی جوانترین گوڵ دەمژێتپەروەردگاریش داوا لە بەندەکانی دەکات کە بە باشترین شێوە بدوێن و رازاوەترین وتە بدرکێنن.

4- هونەرمەندی لە هەڵبژاردنی بابەتی قسەکردندا و دوورکەوتنەوە لەو بابەتانەی کە خەڵکی پێی بێزار دەبن.

5- هەمیشە تەرکیز بکەرە سەر لایەنە باشەکانی بەرامبەر و چاوپۆشی لە عەیبەکانی بکە، چونکە هیچ کەسێک لە ئێمە بیچ ناتەواوی نی یە، هەرکاتێکیش ویستت هەڵەیەک بۆ کەسێک راست بکەیتەوە بە شێوەی ناڕاستەوخۆ و جوانترین شێوە ئاگاداری بکەرەوە، وەکو ئەوەی باسی کەسێکی بۆ بکەیت.

6- زۆر گاڵتە مەکە و مەهێڵە گاڵتەکردن بەسەرتا زاڵ بێت، چونکە هەموو کەس ئارەزووی گاڵتەکردنی نی یە، وێڕای ئەوەی پێویستە کاتی گونجا و بزانیت بۆ ئەم کارە و گاڵتەکردنەکەت گاڵتەکردن نەبێت بە بەرامبەر.

7- سرووشتی بە و سروشتی خۆت مەگۆڕە، خەڵکی کەسێکیان خۆش ناوێت هەڵس و کەوتی نائاسایی بێت و تەمسیل بکات، ئەم جۆرە لەسەر دڵی خەڵکی قورسن و حەز بە تێکەڵاویکردنیان ناکرێت.

8- خۆت بپارێزە لە زۆر بڵێیی و زۆر قسەکردن: چونکە ئەم سیفەتە لای خەڵکی بێزراوە و مرۆڤەکان وەها کەسێکیان خۆش ناوێت.

9- هەوڵ بدە هەرگیز بە خراپە باسی کەس مەکە و لە پاش ملەغەیبەتیان مەکە، چونکە ئەم کارە وێڕای ئەوەی کە تاوانە بۆچونێکی خراپ دەداتە بەرامبەر سەبارەت بەتۆ.

10- زۆر خۆت بەکەم بزانە، مرۆڤەکان کەسانی لووت بەرز و بە فیزیان خۆش ناوێت و کەسانی سادە و ساکار زۆر لە دڵەکاندا جێی خۆی دەکاتەوە.

11- ئاگاداری وادە و بەڵێنەکانت بە و هەرکاتێک بەڵێنت دا یان کاتێکت دیاری کرد بەڵێنەکەت ببەرە جێ و لەکاتی دیاریکراودا ئامادەبە، چونکە پەیوەست بوونت بە بە کات و بەڵێنەکانتەوە زیاتر لە دڵی خەڵکی دا گەورە و بەڕێزت دەکەن.

12- بەرامبەرەکەت بە جوانترین نا و کە خۆی ئارەزووی دەکات بانگ بکە و هەرگیز ناو و ناتۆرەی ناشیرین لە کەس مەنێ، تەنانەت ئەگەر ئەو کەسە زۆر لە تەمەنی تۆ بچوکتر بوو.

13- هەرکاتێک زانیت هەڵەیەکت کردووە، خێرا داوای لێبوردن بکە و بەردەوام مەبە لەسەر هەڵەکەت.

14- بۆ ئەوەی بەرامبەر هەمیشە خۆشی بوێیت، هەرگیز هەستی بریندار مەکە و کەسایەتی و پلە وپایەی لەکەدار مەکە و رێز لە خۆی و بۆچونەکانی بگرە.

15- کاتێک دەتەوێت کاریگەریت هەبێت لەسەر ئاکار و هەڵس و کەوتی کەسێک، وەسفی باشەی لایەنێکی ئیجابی ئەو بکە تا هەوڵ بدات ئەو بوارە زیاتر بەهێز بکات و تا بۆت دەکرێت وەسفی باشەی بکە.

16- کاتێک رەخنەت گرت، رەخنە لە مومارەسە یا هەڵس و کەوتێک بگرە، هەرگیز رەخنە لە کەسایەتی خاوەنی ئەو هەڵس و کەوتە مەگرە.

17- هونەرمەندانە رەخنە مەگرە و خۆت لە رەخنەی روخێنەر و بریندار کەر بپارێزە.

18- لێبوردە و دلۆڤان بە و رق و کینە لە دڵدا هەڵمەگرە.

19- دیای و خەڵات هۆکارێکی گەورەیە بۆ بڵاوبونەوەی خۆشەویستی و پەرەسەندنی.

20- بەخشندە تر بە زیاتر لەوەی گومانت پێ دەبەن، و چاوەڕوانت لێ دەکەن.

گـــــــــــۆڤاری بڕیار

www.yektapersty.com